Մեր խանութի կատալոգի մեծ մասը կազմում են չորս ապրանքանիշ՝ Total, Dyllu, Rodex և EMTOP։ Բոլորն էլ միջին գնային դասի են, բայց յուրաքանչյուրն ունի իր ուժեղ կողմը։ Այս համեմատությունը հիմնված է այն բանի վրա, թե ինչ են գնում և ինչ են վերադարձնում մեր հաճախորդները։
Total
Total-ը ամենալայն տեսականին ունեցող ապրանքանիշն է՝ էլեկտրական և ձեռքի գործիքներից մինչև ավտոսպասարկման հավաքածուներ և պարագաներ։ Ուժեղ կողմը մարտկոցային «մեկ մարտկոց՝ բոլոր գործիքների համար» համակարգն է և հավաքածուների հարուստ լրակազմը։ Total-ը վերցնում են, երբ ուզում են մեկ ապրանքանիշով լրացնել ամբողջ արհեստանոցը։
Dyllu
Dyllu-ն մեր կատալոգում ամենաշատ ներկայացված ապրանքանիշն է էլեկտրական գործիքների բաժնում՝ մարտկոցային պտուտակադարձիչներ, պերֆորատորներ, հորատիչներ, ինչպես նաև այգու գործիքներ և կողպեքներ։ Գին-որակ հարաբերակցությամբ այն ամենամատչելի մուտքն է լուրջ գործիքների աշխարհ, և հենց Dyllu մոդելներն են ամենից հաճախ հայտնվում մեր ակցիաներում։
Rodex
Rodex-ը ուժեղ է հենց էլեկտրական գործիքներում՝ պերֆորատոր, դռել, նրբասղոց, բալգարկա, ինչպես նաև սպառող պարագաներում․ մեր խանութի կտրող և հղկող սկավառակները Rodex են։ Եթե պլանավորում եք ամեն օր աշխատել գործիքով, Rodex-ի ցանցային մոդելները լավ ընտրություն են։
EMTOP
EMTOP-ը հայտնի է ծանր ցանցային մեքենաներով, օրինակ՝ 230 մմ 2200 Վտ բալգարկան, որը շինարարների համար է։ Տեսականին ավելի նեղ է, բայց հենց այնտեղ, որտեղ պետք է հզորություն, EMTOP-ը արդարացնում է գինը։
Համեմատություն ըստ չափանիշների
- Տեսականի՝ Total (ամենալայն), Dyllu, Rodex, EMTOP (նեղ, ծանր դաս)։
- Գին՝ Dyllu-ն և Rodex-ը ամենամատչելին են, Total-ը՝ միջին, EMTOP-ը՝ ծանր մոդելների պատճառով ավելի բարձր։
- Մարտկոցային համակարգ՝ Total-ը և Dyllu-ն ունեն ընդհանուր մարտկոցով գծեր։
- Սպառող պարագաներ՝ Rodex սկավառակները միշտ առկա են, մյուսների գայլիկոններն ու սղոցները՝ ստանդարտ ամրակալով, փոխարինելի են։
- Երաշխիք՝ բոլոր ապրանքանիշերն ունեն երաշխիք, ժամկետը նշվում է կտրոնի վրա։
Ո՞րն ընտրել
Տան համար՝ Dyllu կամ Total մարտկոցային պտուտակադարձիչ և Rodex ցանցային պերֆորատոր։ Արհեստանոցի համար՝ Rodex ցանցային գործիքներ և Total հավաքածուներ։ Շինարարության համար՝ EMTOP 230 մմ բալգարկա և Rodex պերֆորատոր։ Անհասկանալի դեպքում զանգահարեք․ կպատմենք, թե որ կոնկրետ մոդելն ինչ աշխատանքի համար է վերցվել վերջին ամսում։
Կա՞ն Makita, Bosch կամ DeWalt ձեր խանութում։
Առցանց կատալոգում այս պահին ներկայացված են Total, Dyllu, Rodex և EMTOP մոդելները։ Այլ ապրանքանիշի համար զանգահարեք․ կստուգենք առկայությունը և պատվերի հնարավորությունը։
Ո՞ր ապրանքանիշն է ամենաէժանը։
Dyllu-ն և Rodex-ը՝ նույն դասի մոդելների համեմատությամբ։ Ակցիաների ժամանակ տարբերությունը կարող է փոխվել։
Փոխարինելի՞ են մարտկոցները ապրանքանիշերի միջև։
Ոչ։ Յուրաքանչյուր ապրանքանիշ ունի իր մարտկոցի ձևը, դրա համար խորհուրդ ենք տալիս մարտկոցային գործիքները մեկ ապրանքանիշից վերցնել։
Հարցեր ունե՞ք
Զանգահարեք 094-298-666 կամ այցելեք խանութ՝ Շերամ 98, Երևան։ Կօգնենք ընտրել ճիշտ գործիքը։
094-298-666